Faton Abdullahu kalon në PDK, ai ishte këshilltar i Isa Mustafës

Tashmë është bërë e zakonshme që opinionistë e gazetarë para secilave zgjedhje të aderojnë nëpër parti politike. Të njëjtën gjë sot e ka bërë publike edhe opinionisti Faton Abdullahu. Por kjo nuk është përvoja e parë e tij si pjesë e politikës.

Faton Abdullahu edhe si gazetar, vite më parë ishte i afërt me LDK’në. E gjatë kohës kur vendi qeverisej nga kryeministri Isa Mustafa, ai kishte marrë postin këshilltarit.

Pas kësaj, Abdullahu për shkak të disa mospajtimeve, u kthye sërish në rolin e opinionistit e publicistit, dhe për dallim nga më parë, ai vazhdimisht shprehej kritik ndaj LDK’së, shkruan Gazeta Online Reporteri.net.

Qëndrimet e tij, prej kohësh kishin filluar të shiheshin si të afërta me PDK’në e Kadri Veselit, dhe kalimi i tij zyrtarisht në këtë parti nuk u pa si diçka e papritur./fishmedia

Leave a Reply

Your email address will not be published. Required fields are marked *