Skandali, u trafikuan 10 fëmijë/ Krimi i tmerrshëm, trafikanti vrau edhe dy motrat që i lindën

Krimi i tmerrshëm i vrasjes së dy motrave në tiranë ditën e fundit të vitit 2020 ishte vetëm maja e ajsbergut të krimeve të tjera të rënda.

Të afërmit e dy viktimave treguan për Top Channel në emisionin “Shqipëria Live” se vrasësi përparim Tela i përdorte dy motrat për prostitucion por edhe për trafik fëmijësh. Janë të paktën 10 fëmijë të trafikuar. E motra e viktimave e tregoi këtë për Top Channel:

“Motra e madhe e ka njohur në fillim Përparimin. Pas asaj kanë bërë këtë vajzën dhe ai nuk i ka dhënë atësinë. Në fillim mori motrën e madhe, e nxori në rrugë si prostitutë dhe pas një viti ka ardhur e ka marrë motrën time të voglën të babai, ka qenë 15 vjeçe.

Babai im i tha se do të të denoncoj, kur i tha se do të denoncoj i tha se i kam vajzat në Tiranë, janë të sëmura dhe të kërkoj që të vish ti. E ka çuar në mal të Dajtit dhe e ka kërcënuar me thikë.

Nëse ti më denoncon, do të shuaj si familje. E mori motrën e vogël dhe e çoi në Selanik. I linte shtatzënë dhe i detyronte që t’i shisnin. Janë shitur mbi 10 fëmijë.

Dy motrat e mia, ka qenë edhe e shoqja e tij në Greqi. Edhe gruaja e tij ka ngelë shtatzënë dhe e kanë shitur fëmijën. Kjo pasi nuk u dilnin lekët që të mbaronin vilën.

Motrën e madhe e la, pasi nuk bënte më fëmijë. Kur ngeli motra e madhe shtatzënë në fillim nuk pranoi ta shiste, ai e ka varur me tel në fyt. Ka bërë shumë gjëra, kanë ardhur motrat të nxira. I ka thyer motrës së madhe edhe këmbën, shumë tortura. Neve nuk na ka lënë motra jonë e madhe, nuk na lejohej që të bënim ne denoncim. Ato vetë nuk e bënë asnjëherë hapin”.

Dëshmia e së motrës është përforcuar nga dëshmia e vëllait të viktimave. Ai tregoi se kishte mësuar për krimet e rënda në muajin dhjetor dhe më pas dy motrat e tij u vranë.

“Motrën e vogël e mori peng kur ishte 15 vjeç. Babit i tha nëse denoncon do t’ju zhduk të gjithëve. Nga frika nuk denoncoi. Ai i ka marrë në Itali dhe i ka nxjerrë në rrugë si prostituta. Më pas i linte shtatzënë dhe i shiste fëmijët, në dijeninë time janë mbi 10 fëmijë. Kur ato nuk pranonin t”i shisnin fëmijët ai i torturonte, ishin të nxira, të torturuara me tel”.- thotë Bashkimi.

Sipas Bashkim Metanit, djali i Zhanetës që pa të gjithë ngjarjen nuk është fëmija i Përparimit. Më tej ai ka shtuar, se Zhaneta i ka thënë se djalin Anxhelo, e ka me ish të fejuarin e saj nga Lezha. Ai ka thënë se ish i fejuari i Zhanetës nga Lezha kishte qen i afërm i gruas së Përparimit, por ky i fundit kishte prishur fejesën duke thënë se i kishte të dashura Zhanetën dhe Kristinën.

“Nuk është djali i Përparimit. Nuk ngjajnë. Ata të gjithë kanë një fytyrë. Edhe vajza që ka Kristina me Përparimin është kopje. Anxhelo nuk ngjan. Më ka thënë se e ka me një burrë tjetër ai është i afërm i gruas së Përparimit. Është nga Lezha. Përparimi nuk e lejonte. Të fejuarin e motrës nuk e kam njohur. Ai ia prishi fejesën. Vajti në Lezhë dhe u tha se janë të dashurat e mia. Ai ia prishi fejesën Zhanetës. Këtë më treguar Kristina.”

Ndërkohë një ditë para se të vriteshin, Zhaneta është marrë me forcë nga Përparimi duke i thënë se ai së bashku me Kristinën do të vriteshin, ndërsa vetë Zhaneta do të rriste djalin Anxhelon.

Ndërkohë më tej, Bashkimi ka thënë se Përparimi kishte pritur që dy motrat të ishin bashkë dhe i ka ruajtur për t’i vrarë.

“Një ditë para se me vdekur, Përparimi i kishte dal dhe e kishte fut në makinë. E kishte torturuar dhe të thërriste Kristinën. I kishte thënë se unë dhe Kristina do të vritemi dhe ti do rrisësh djalin. Këtë ma ka thënë Adriana motra. E mora vesh pasi vdiqën. Ma tregoi Adriana. I kishte thënë që do e linte të 21 dhjetori. Kishte shkuar në orën 7 na banesë. Atë ditë e mori Përparimi dhe e kishte qëlluar me plumb për të frikësuar. Nuk kam fjalë. Kishte bërë kompromis me gruan e Përparimit me Vjollcën. Sa të bëjë një deklaratë që ky nuk ju kërcënon. Kristina e kishte besuar. E kishin lënë për të bërë një deklaratë. Ai i gjeti të dyja bashkë dhe vajti i vrau të dyja bashkë. Nuk mund të linte njërën të gjallë se do të tregonte tjetra. E ka kërcënuar me armë dhe e ka dhunuar”

“Një javë rresht më ka treguar historinë e 30 viteve. Një javë para se të vriteshin.” ka thënë Bashkimi.

Vrasja ndodhi në sytë e djalit 14 vjeçar të një prej viktimave. Ai tregoi momentet kur përparim tela me armë në dorë ekzekutoi të ëmën dhe tezen e tij.

Si ndodhi ngjarja?

Ishte një tmerr i vërtetë munda të shikoja çdo gjë që ndodhi. Ra zilja shkova për të parë te syri dhe shikoj një me kapuç që ishte nipi i tij dhe më pas tezja ime cohet nga tavolina dhe më thotë largohu nga dera, hap derën dhe në moment donte të mbyllte derën por nuk kishte forcë, e ndihmova të mbyllte derën. Ai kishte hyrë brenda, ishte shumë vonë.

Kishte armën, breshëri mamasë time, thjesht i ra në breshëri, gati shumicën i ka ngrënë tezja ime, ndërkohë që mamaja ishte e vdekur pa puls në vend ai vazhdonte të qëllonte, siç e shikoni nga vet faktet, vendi ishte plot me gjak. Ra në tokë e vdekur, gjithashtu edhe tezja ime. Janë flokët e mamasë time që kanë dalë së bashku me kafkën, është pjesë e kafkës së mamasë. Nuk e kontrolloja dot vetën, vrapova drejt frigoriferit. Unë u fsheha te frigoriferi, ai u ul dhe mbajti armën e tij në fyt dhe donte të vriste veten. Mesa duket ka dashur që të trembë mua

A pate ndonjë bashkëbisedim me autorin?

Jo nuk pata, ai ishte gjaknxehtë, nuk kishte emocione në fytyre, thjesht i tmerrshëm, i frikshëm

Shkëmbyen ndonjë fjalë me tezen dhe mamin ?

Ishte thjesht veprim, hyri në derë dhe mbaroi punë.

La armën e zjarrit aty dhe u largua.

Në atë foto ndodhet tezja ime që vdiq dhe mamaja ime, dhe është autori që kreu vrasjen.

Top Channel

Leave a Reply

Your email address will not be published. Required fields are marked *