Pas PDK-së, edhe LDK-ja ia mbyll derën Nismës për koalicion parazgjedhor

PDK dhe Nisma duket se nuk do të garojnë së bashku në zgjedhjet e jashtëzakonshme në fillim të këtij viti.

Dukej si mundësia e vetme dhe afrimi i Nismës tek PDK-ja vërehej dukshëm pas deklaratave të kreut të kësaj partie, Fatmir Limajt, shkruan Ballkani.info.

Por sot anëtari i kryesisë së kësaj partie, Zafir Berisha ka konfirmuar se nuk do të ketë koalicion mes PDK dhe NISMA.

Ballkani.info nga burime të sigurta ka mësuar se Nisma së fundi iu është afruar partisë së udhëhequr nga Isa Mustafa, por si duket as LDK-ja nuk sheh interes për koalicion parazgjedhor me Nismën Socialdemokrate.

“Ka pasur takime ndërmjet drejtuesve të LDK-së dhe Nismës që të shkohet në koalicion së bashku. Sigurisht kjo ka qenë kërkesë e Nismës, megjithatë në LDK nuk ka disponim që të shkohet në koalicion parazgjedhor me partinë e Fatmir Limaj”, kanë thënë burime të Ballkani.info.

Kujtojmë që Nisma-AKR ishin pjesë e Qeverisë Hoti në legjislaturën e kaluar që u shpërbë pas aktvendimit të Gjykatës Kushtetuese në fund të vitit që lamë pas./gjithckafresh

Leave a Reply

Your email address will not be published. Required fields are marked *